hie publizieren ig hie und da mau eis vo mine bärndütsche teggschtli oder gedicht und si chöi ou wider verschwinde. mir isch bewusst, dass me sich über d schribwys im bärndütsch cha stritte und me cha drüber diskutiere. i bi ke schriftgelehrte und i kenne dermit ou weni definierti regle. i schribe so, wie s mi düecht es sig am nöchschte bir sprach won ig säuber rede und ou über die cha me ja diskutiere. wie rein isch mis bärndütsch? vo welere region um bärn bini prägt? hani ohni s z merke usdrück agnoh, wo eigentlich nümme subers bärndütsch si?
mundartischt – das tönt chli höch. für mi isch das eifach e spiuwiese. da chani sache ablege, für mi mau luege wie s usgseht und wie s sich laht läse. när chani s veröffentliche oder wider verstecke, wenn s mir no nid oder nümme gfaut.

i wünsche euch eifach viu spass

philipp grädel